សៀមរាប៖ បុរសជាប្ដីម្នាក់បានយកកាំបិតកាប់ប្រពន្ធដាច់កស្លាប់នៅក្នុងផ្ទះក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប កាលពីថ្ងៃទី៨ ខែមីនា ឆ្នាំ២០២២។ មូលហេតុនៃការសម្លាប់ដោយសារខឹងប្រពន្ធមិនយកចិត្តទុកដាក់លើខ្លួន។
យោងតាមរបាយការណ៍របស់អធិការដ្ឋាននគរបាលក្រុងសៀមរាប បានឲ្យដឹងថាជនសង្ស័យឈ្មោះ ស្រេង សុខ ភេទប្រុស អាយុ៤៦ឆ្នាំ គ្មានមុខរបរពិតប្រាកដ។ ក្រោយធ្វើសកម្មភាពសម្លាប់ប្រពន្ធខ្លួនឯងរួចជនសង្ស័យបានធ្វើដំណើរទៅប្រាប់សមត្ថកិច្ចថាខ្លួនជាអ្នកសម្លាប់ ប្រពន្ធតែម្ដង។
យោងតាមចម្លើយសារភាពមុនកើតហេតុជនសង្ស័យបានរុញប្រពន្ធធ្លាក់ពីលើកាំជណ្តើររួចយកកាំបិតបុ័ងតោសម្លាប់ប្រពន្ធតែម្តងដោយមូលហេតុខ្លួនខឹងប្រពន្ធដែលមិនសូវយកចិត្តទុកដាក់ក្រុមគ្រួសាររបស់ខ្លួន និងបង្ខំឲ្យខ្លួនផឹកទឹកក្រូចឆ្មារសុទ្ធ ខណ:ពេលដែលខ្លួនកំពុងមានជំងឺរលាកក្រពះ ជំងឺតម្រងនោម និងកំពុងព្យាបាលជំងឺកូវីដ-១៩។
បច្ចុប្បន្នជនសង្ស័យសមត្ថកិច្ចកំពុងបន្តការសួរនាំ និងកសាងសំណុំរឿងតាមនីតិវិធីច្បាប់៕
